Книга Премудрости Иисуса, сына Сирахова

Сын мой! не отказывай в пропитании нищему и не утомляй ожиданием очей нуждающихся;

Ча́до, живота̀ ни́щагѡ не лишѝ и҆ не ѿвраща́й ѻ҆че́съ ѿ просѧ́щагѡ,

не опечаль души алчущей и не огорчай человека в его скудости;

дꙋшѝ а҆́лчꙋщїѧ не ѡ҆скорбѝ и҆ не разгнѣ́вай мꙋ́жа въ нищетѣ̀ є҆гѡ̀,

не смущай сердца уже огорченного и не откладывай подавать нуждающемуся;

се́рдца раздраже́нагѡ не превозмꙋтѝ и҆ не продолжа́й даѧ́нїѧ тре́бꙋющемꙋ,

не отказывай угнетенному, умоляющему о помощи, и не отвращай лица твоего от нищего;

раба̀ скорбѧ́ща не ѿрѣ́й и҆ не ѿвратѝ лица̀ твоегѡ̀ ѿ ни́щагѡ,

не отвращай очей от просящего и не давай человеку повода проклинать тебя;

ѿ тре́бꙋющагѡ не ѿвратѝ ѻ҆че́съ и҆ не да́ждь мѣ́ста человѣ́кꙋ клѧ́ти тѧ̀:

ибо, когда он в горести души своей будет проклинать тебя, Сотворивший его услышит моление его.

кленꙋ́щагѡ бо тѧ̀ въ го́рести дꙋшѝ своеѧ̀ мольбꙋ̀ ᲂу҆слы́шитъ сотвори́вый є҆го̀.

В собрании старайся быть приятным и пред высшим наклоняй твою голову;

Прїѧ́тна собо́рищꙋ творѝ себѐ и҆ кнѧ́зю смирѧ́й главꙋ̀ твою̀,

приклоняй ухо твое к нищему и отвечай ему ласково, с кротостью;

приклонѝ ᲂу҆́хо твоѐ къ ни́щемꙋ и҆ ѿвѣща́й є҆мꙋ̀ ми̑рнаѧ въ кро́тости,

спасай обижаемого от руки обижающего и не будь малодушен, когда судишь;

и҆змѝ ѡ҆би́димаго и҆з̾ рꙋкѝ ѡ҆би́дѧщаго и҆ не малодꙋ́шествꙋй, є҆гда̀ сꙋ́диши,

сиротам будь как отец и матери их - вместо мужа:

бꙋ́ди си̑рымъ ꙗ҆́кѡ ѻ҆те́цъ и҆ вмѣ́стѡ мꙋ́жа ма́тери и҆́хъ:

и будешь как сын Вышнего, и Он возлюбит тебя более, нежели мать твоя.

и҆ бꙋ́деши ꙗ҆́кѡ сы́нъ вы́шнѧгѡ, и҆ возлю́битъ тѧ̀ па́че не́же ма́ти твоѧ̀.

Премудрость возвышает сынов своих и поддерживает ищущих ее:

Премꙋ́дрость сы́ны своѧ̑ вознесѐ и҆ застꙋпа́етъ и҆́щꙋщихъ є҆ѧ̀:

любящий ее любит жизнь, и ищущие ее с раннего утра исполнятся радости:

любѧ́й ю҆̀ лю́битъ жи́знь, и҆ ᲂу҆́тренюющїи къ не́й и҆спо́лнѧтсѧ весе́лїѧ:

обладающий ею наследует славу, и, куда бы ни пошел, Господь благословит его;

держа́йсѧ є҆ѧ̀ наслѣ́дитъ сла́вꙋ, и҆ и҆дѣ́же вхо́дитъ, блгⷭ҇ви́тъ є҆го̀ гдⷭ҇ь:

служащие ей служат Святому, и любящих ее любит Господь;

слꙋжа́щїи є҆́й послꙋ́жатъ ст҃о́мꙋ, и҆ лю́бѧщихъ ю҆̀ лю́битъ гдⷭ҇ь:

послушный ей будет судить народы, и внимающий ей будет жить надежно;

слꙋ́шаѧй є҆ѧ̀ сꙋди́ти и҆́мать ꙗ҆зы́ки, и҆ внима́ѧй є҆́й всели́тсѧ надѣ́ѧвсѧ.

кто вверится ей, тот наследует ее, и потомки его будут обладать ею:

А҆́ще ᲂу҆вѣ́рꙋеши, наслѣ́диши ю҆̀, и҆ во ѡ҆держа́нїи бꙋ́дꙋтъ ро́ды є҆гѡ̀:

ибо сначала она пойдет с ним путями извилистыми, наведет на него страх и боязнь

ꙗ҆́кѡ стро́потнѡ хо́дитъ съ ни́мъ въ пе́рвыхъ, боѧ́знь же и҆ стра́хъ наведе́тъ на́нь

и будет мучить его своим водительством, доколе не уверится в душе его и не искусит его своими уставами;

и҆ помꙋ́читъ є҆го̀ въ наказа́нїи свое́мъ, до́ндеже вѣ́рꙋ и҆́метъ дꙋшѝ є҆гѡ̀ и҆ и҆скꙋ́ситъ є҆го̀ во ѡ҆правда́нїихъ свои́хъ,

но потом она выйдет к нему на прямом пути и обрадует его

и҆ па́ки возврати́тсѧ прѧ́мѡ къ немꙋ̀ и҆ возвесели́тъ є҆го̀

и откроет ему тайны свои.

и҆ ѿкры́етъ є҆мꙋ̀ та̑йны своѧ̑:

Если он совратится с пути, она оставляет его и отдает его в руки падения его.

а҆́ще заблꙋ́дитъ, ѡ҆ста́витъ є҆го̀ и҆ преда́стъ є҆го̀ въ рꙋ́цѣ паде́нїѧ є҆гѡ̀.

Наблюдай время и храни себя от зла -

Блюдѝ вре́мѧ и҆ храни́сѧ ѿ лꙋка́вагѡ,

и не постыдишься за душу твою:

и҆ ѡ҆ дꙋшѝ твое́й не постыди́сѧ:

есть стыд, ведущий ко греху, и есть стыд - слава и благодать.

є҆́сть бо сты́дъ наводѧ́й грѣ́хъ, и҆ є҆́сть сты́дъ сла́ва и҆ благода́ть.

Не будь лицеприятен против души твоей и не стыдись ко вреду твоему.

Не прїимѝ лица̀ на дꙋ́шꙋ твою̀ и҆ не срамлѧ́йсѧ ѡ҆ паде́нїи твое́мъ.

Не удерживай слова, когда оно может помочь:

Не возбранѝ словесѐ во вре́мѧ спасе́нїѧ:

ибо в слове познается мудрость и в речи языка - знание.

въ словеси́ бо позна́на бꙋ́детъ премꙋ́дрость, и҆ наказа́нїе въ глаго́лѣхъ ѧ҆зы́ка.

Не противоречь истине и стыдись твоего невежества.

Не прерѣка́й проти́вꙋ и҆́стины и҆ ѡ҆ ненаказа́нїи твое́мъ срамлѧ́йсѧ:

Не стыдись исповедовать грехи твои и не удерживай течения реки.

не стыди́сѧ и҆сповѣ́дати грѣхѝ твоѧ̑ и҆ не воспѧща́й быстрины̀ рѣчны́ѧ.

Не подчиняйся человеку глупому и не смотри на сильного.

И҆ не подстели́сѧ мꙋ́жꙋ бꙋ́ю и҆ не ѡ҆бини́сѧ лица̀ си́льнагѡ.

Подвизайся за истину до смерти, и Господь Бог поборет за тебя.

Да́же до сме́рти подвиза́йсѧ ѡ҆ и҆́стинѣ, и҆ гдⷭ҇ь бг҃ъ побо́ретъ по тебѣ̀.

Не будь скор языком твоим и ленив и нерадив в делах твоих.

Не бꙋ́ди ско́ръ ѧ҆зы́комъ твои́мъ, лѣни́въ же и҆ сла́бъ въ дѣ́лѣхъ твои́хъ.

Не будь, как лев, в доме твоем и подозрителен к домочадцам твоим.

Не бꙋ́ди ꙗ҆́кѡ ле́въ въ домꙋ̀ твое́мъ и҆ жестоконеи́стовъ въ рабѣ́хъ твои́хъ.

Да не будет рука твоя распростертою к принятию и сжатою при отдании.

Не бꙋ́ди рꙋка̀ твоѧ̀ просте́рта на взѧ́тїе, а҆ на ѿдаѧ́нїе согбе́на.