Книга Премудрости Иисуса, сына Сирахова

И не делайся врагом из друга, ибо худое имя получает в удел стыд и позор; так - и грешник двоязычный.

И҆ вмѣ́стѡ дрꙋ́га не бꙋ́ди вра́гъ, и҆́мѧ бо лꙋка́во стꙋ́дъ и҆ поноше́нїе наслѣ́дитъ: си́це грѣ́шникъ двоѧзы́ченъ.

Не возноси себя в помыслах души твоей, чтобы душа твоя не была растерзана, как вол:

Не возносѝ себѐ совѣ́томъ дꙋшѝ твоеѧ̀, да не расхище́на бꙋ́детъ а҆́ки ю҆не́цъ дꙋша̀ твоѧ̀:

листья твои ты истребишь и плоды твои погубишь, и останешься, как сухое дерево.

ли́ствїе твоѐ поѧ́си и҆ плоды̀ твоѧ̑ погꙋби́ши и҆ ѡ҆ста́виши себѐ ꙗ҆́кѡ дре́во сꙋ́хо.

Душа лукавая погубит своего обладателя и сделает его посмешищем врагов.

Дꙋша̀ лꙋка́ва погꙋби́тъ стѧжа́вшаго ю҆̀ и҆ пора́дованїе врагѡ́мъ сотвори́тъ є҆го̀.

Сладкие уста умножат друзей, и доброречивый язык умножит приязнь.

Горта́нь сла́докъ ᲂу҆мно́житъ дрꙋ́ги своѧ̑, и҆ ѧ҆зы́къ доброглаго́ливъ ᲂу҆мно́житъ добры̑ бесѣ̑ды.

Живущих с тобою в мире да будет много, а советником твоим - один из тысячи.

Ми́рствꙋющїи съ тобо́ю да бꙋ́дꙋтъ мно́зи, совѣ̑тницы же твоѝ є҆ди́нъ ѿ ты́сѧщъ.

Если хочешь приобрести друга, приобретай его по испытании и не скоро вверяйся ему.

А҆́ще стѧ́жеши дрꙋ́га, во и҆скꙋше́нїи стѧжѝ є҆го̀ и҆ не ско́рѡ ᲂу҆вѣ́рисѧ є҆мꙋ̀:

Бывает друг в нужное для него время, и не останется с тобой в день скорби твоей;

є҆́сть бо дрꙋ́гъ во вре́мѧ своѐ и҆ не пребꙋ́детъ во вре́мѧ ско́рби твоеѧ̀,

и бывает друг, который превращается во врага и откроет ссору к поношению твоему.

и҆ є҆́сть дрꙋ́гъ премѣнѧ́ѧйсѧ во врага̀ и҆ сва́ръ поноше́нїѧ твоегѡ̀ ѿкры́етъ,

Бывает другом участник в трапезе, и не останется с тобою в день скорби твоей.

и҆ є҆́сть дрꙋ́гъ ѻ҆́бщникъ трапе́замъ и҆ не пребꙋ́детъ во вре́мѧ ско́рби твоеѧ̀:

В имении твоем он будет как ты, и дерзко будет обращаться с домочадцами твоими;

и҆ во благи́хъ твои́хъ бꙋ́детъ ꙗ҆́коже ты̀ и҆ на рабы̑ твоѧ̑ де́рзнетъ:

но если ты будешь унижен, он будет против тебя и скроется от лица твоего.

а҆́ще смире́нъ бꙋ́деши, бꙋ́детъ на тѧ̀ и҆ ѿ лица̀ твоегѡ̀ скры́етсѧ.

Отдаляйся от врагов твоих и будь осмотрителен с друзьями твоими.

Ѿ врагѡ́въ твои́хъ ѿлꙋчи́сѧ и҆ ѿ дрꙋгѡ́въ твои́хъ внима́й.

Верный друг - крепкая защита: кто нашел его, нашел сокровище.

Дрꙋ́гъ вѣ́ренъ кро́въ крѣ́покъ: ѡ҆брѣты́й же є҆го̀ ѡ҆брѣ́те сокро́вище.

Верному другу нет цены, и нет меры доброте его.

Дрꙋ́гꙋ вѣ́рнꙋ нѣ́сть и҆змѣ́ны, и҆ нѣ́сть мѣ́рила добро́тѣ є҆гѡ̀.

Верный друг - врачевство для жизни, и боящиеся Господа найдут его.

Дрꙋ́гъ вѣ́ренъ врачева́нїе житїю̀, и҆ боѧ́щїисѧ гдⷭ҇а ѡ҆брѧ́щꙋтъ є҆го̀.

Боящийся Господа направляет дружбу свою так, что, каков он сам, таким делается и друг его.

Боѧ́йсѧ гдⷭ҇а ᲂу҆правлѧ́етъ дрꙋ́жбꙋ свою̀, ꙗ҆́коже бо са́мъ, та́кѡ и҆ и҆́скреннїй є҆гѡ̀.

Сын мой! от юности твоей предайся учению, и до седин твоих найдешь мудрость.

Ча́до, ѿ ю҆́ности твоеѧ̀ и҆зберѝ наказа́нїе, и҆ да́же до сѣди́нъ ѡ҆брѧ́щеши премꙋ́дрость.

Приступай к ней как пашущий и сеющий и ожидай добрых плодов ее:

Ꙗ҆́коже ѡ҆рѧ́й и҆ сѣ́ѧй пристꙋпѝ къ не́й и҆ ждѝ благи́хъ плодѡ́въ є҆ѧ̀:

ибо малое время потрудишься в возделывании ее, и скоро будешь есть плоды ее.

въ дѣ́ланїи бо є҆ѧ̀ ма́лѡ потрꙋди́шисѧ и҆ ско́рѡ ꙗ҆́сти бꙋ́деши плоды̀ є҆ѧ̀.

Для невежд она очень сурова, и неразумный не останется с нею:

Ко́ль стро́потна є҆́сть ѕѣлѡ̀ ненака̑заннымъ, и҆ не пребꙋ́детъ въ не́й безꙋ́мный:

она будет на нем как тяжелый камень испытания, и он не замедлит сбросить ее.

ꙗ҆́коже ка́мень и҆скꙋше́нїѧ крѣ́покъ бꙋ́детъ на не́мъ, и҆ не заме́длитъ ѿврещѝ є҆ѧ̀.

Премудрость соответствует имени своему, и немногим открывается.

Премꙋ́дрость бо по и҆́мени є҆ѧ̀ є҆́сть и҆ не мнѡ́гимъ є҆́сть ꙗ҆́вна.

Послушай, сын мой, и прими мнение мое, и не отвергни совета моего.

Слы́ши, ча́до, и҆ прїимѝ во́лю мою̀, и҆ не ѿве́ржи совѣ́та моегѡ̀:

Наложи на ноги твои путы ее и на шею твою цепь ее.

и҆ введѝ но́зѣ твоѝ во ѡ҆кѡ́вы є҆ѧ̀ и҆ въ гри́внꙋ є҆ѧ̀ вы́ю твою̀:

Подставь ей плечо твое, и носи ее и не тяготись узами ее.

подложѝ ра́мо твоѐ и҆ носѝ ю҆̀, и҆ не гнꙋша́йсѧ ᲂу҆́зами є҆ѧ̀:

Приблизься к ней всею душею твоею, и всею силою твоею соблюдай пути ее.

все́ю дꙋше́ю твое́ю пристꙋпѝ къ не́й и҆ все́ю си́лою твое́ю соблюдѝ пꙋти̑ є҆ѧ̀.

Исследуй и ищи, и она будет познана тобою и, сделавшись обладателем ее, не покидай ее;

И҆зслѣ́ди и҆ взыщѝ, и҆ позна́на тѝ бꙋ́детъ, и҆ є҆́мьсѧ за ню̀ не ѡ҆ста́ви є҆ѧ̀:

ибо наконец ты найдешь в ней успокоение, и она обратится в радость тебе.

на послѣ́докъ бо ѡ҆брѧ́щеши поко́й є҆ѧ̀, и҆ ѡ҆брати́тсѧ тебѣ̀ на весе́лїе.

Путы ее будут тебе крепкою защитою, и цепи ее - славным одеянием;

И҆ бꙋ́дꙋтъ тѝ пꙋ̑та є҆ѧ̀ на поко́й крѣ́пости и҆ гри̑вны є҆ѧ̀ на ѡ҆дѣѧ́нїе сла́вы.

ибо на ней украшение золотое, и узы ее - гиацинтовые нити.

Красота́ бо зла́та є҆́сть на не́й, и҆ ᲂу҆́зы є҆ѧ̀ и҆зви́тїе ѵ҆акі́нѳово:

Как одеждою славы ты облечешься ею, и возложишь ее на себя как венец радости.

во ѻ҆де́ждꙋ сла́вы ѡ҆блече́шисѧ є҆́ю, и҆ вѣне́цъ ра́дости возложи́ши на сѧ̀.

Сын мой! если ты пожелаешь ее, то научишься, и если предашься ей душею твоею, то будешь ко всему способен.

А҆́ще восхо́щеши, ча́до, нака́занъ бꙋ́деши, и҆ а҆́ще вда́си дꙋ́шꙋ твою̀, хи́тръ бꙋ́деши:

Если с любовью будешь слушать ее, то поймешь ее, и если приклонишь ухо твое, то будешь мудр.

а҆́ще возлю́биши слꙋ́шати, прїи́меши, и҆ а҆́ще приклони́ши ᲂу҆́хо твоѐ, премꙋ́дръ бꙋ́деши.

Бывай в собрании старцев, и кто мудр, прилепись к тому; люби слушать всякую священную повесть, и притчи разумные да не ускользают от тебя.

Во мно́жествѣ старѣ́йшинъ става́й, и҆ а҆́ще кто̀ премꙋ́дръ, томꙋ̀ прилѣпи́сѧ. всѧ́кꙋ по́вѣсть бжⷭ҇твеннꙋю восхощѝ слы́шати, и҆ при̑тчи ра́зꙋма да не ᲂу҆бѣжа́тъ тебє̀.

Если увидишь разумного, ходи к нему с раннего утра, и пусть нога твоя истирает пороги дверей его.

А҆́ще ᲂу҆́зриши разꙋ́мна, ᲂу҆́тренюй къ немꙋ̀, и҆ степє́ни две́рїй є҆гѡ̀ да тре́тъ нога̀ твоѧ̀.

Размышляй о повелениях Господа и всегда поучайся в заповедях Его: Он укрепит твое сердце, и желание премудрости дастся тебе.

Размышлѧ́й въ повелѣ́нїихъ гдⷭ҇нихъ и҆ въ за́повѣдехъ є҆гѡ̀ поꙋча́йсѧ прⷭ҇нѡ: то́й ᲂу҆тверди́тъ се́рдце твоѐ, и҆ жела́нїе премꙋ́дрости дано̀ тѝ бꙋ́детъ.