Книга Премудрости Иисуса, сына Сирахова

Не полагайся на имущества твои и не говори: "станет на жизнь мою".

Не ᲂу҆пова́й на и҆мѣ̑нїѧ твоѧ̑ и҆ не рцы̀: довѡ́льна мѝ сꙋ́ть.

Не следуй влечению души твоей и крепости твоей, чтобы ходить в похотях сердца твоего,

Не послѣ́дꙋй дꙋшѝ твое́й и҆ крѣ́пости твое́й, є҆́же ходи́ти въ по́хотехъ се́рдца твоегѡ̀,

и не говори: "кто властен в делах моих?", ибо Господь непременно отмстит за дерзость твою.

и҆ не рцы̀: кто́ мѧ премо́жетъ; гдⷭ҇ь бо мстѧ́й ѿмсти́тъ тѝ.

Не говори: "я грешил, и что мне было?", ибо Господь долготерпелив.

Не рцы̀: согрѣши́хъ, и҆ что́ ми бы́сть; гдⷭ҇ь бо є҆́сть долготерпѣли́въ.

При мысли об умилостивлении не будь бесстрашен, чтобы прилагать грех ко грехам

Ѡ҆ ѡ҆чище́нїи безстра́шенъ не бꙋ́ди, прилага́ти грѣхѝ на грѣхѝ,

и не говори: "милосердие Его велико, Он простит множество грехов моих";

не рцы̀: щедро́та є҆гѡ̀ мно́га є҆́сть, мно́жество грѣхѡ́въ мои́хъ ѡ҆чⷭ҇титъ:

ибо милосердие и гнев у Него, и на грешниках пребывает ярость Его.

млⷭ҇ть бо и҆ гнѣ́въ ᲂу҆ негѡ̀, и҆ на грѣ́шницѣхъ почі́етъ ꙗ҆́рость є҆гѡ̀.

Не медли обратиться к Господу и не откладывай со дня на день:

Не ме́дли ѡ҆брати́тисѧ ко гдⷭ҇ꙋ и҆ не ѿлага́й де́нь ѿ днѐ:

ибо внезапно найдет гнев Господа, и ты погибнешь во время отмщения.

внеза́пꙋ бо и҆зы́детъ гнѣ́въ гдⷭ҇ень, и҆ во вре́мѧ мє́сти поги́бнеши.

Не полагайся на имущества неправедные, ибо они не принесут тебе пользы в день посещения.

Не ᲂу҆пова́й на и҆мѣ̑нїѧ непра́вєдна: ничи́мже бо ᲂу҆по́льзꙋютъ въ де́нь наведе́нїѧ.

Не вей при всяком ветре и не ходи всякою стезею: таков двоязычный грешник.

Не вѣ́й себѐ всѧ́кимъ вѣ́тромъ и҆ не ходѝ всѧ́кимъ пꙋте́мъ: си́це грѣ́шникъ двоѧзы́ченъ.

Будь тверд в твоем убеждении, и одно да будет твое слово.

Бꙋ́ди ᲂу҆твержде́нъ въ ра́зꙋмѣ твое́мъ, и҆ є҆ди́но бꙋ́ди сло́во твоѐ.

Будь скор к слушанию, и обдуманно давай ответ.

Бꙋ́ди ско́ръ въ слꙋ́шанїи твое́мъ, и҆ съ долготерпѣ́нїемъ ѿвѣщава́й ѿвѣ́тъ.

Если имеешь знание, то отвечай ближнему, а если нет, то рука твоя да будет на устах твоих.

А҆́ще є҆́сть въ тебѣ̀ ра́зꙋмъ, ѿвѣща́й и҆́скреннемꙋ: а҆́ще же нѝ, то̀ бꙋ́ди рꙋка̀ твоѧ̀ на ᲂу҆стѣ́хъ твои́хъ.

В речах - слава и бесчестие, и язык человека бывает падением ему.

Сла́ва и҆ безче́стїе въ бесѣ́дѣ и҆ ѧ҆зы́къ человѣ́чь паде́нїе є҆мꙋ̀.

Не прослыви наушником, и не коварствуй языком твоим:

Не словѝ шепотни̑къ и҆ ѧ҆зы́комъ твои́мъ не ᲂу҆ловлѧ́й:

ибо на воре - стыд, и на двоязычном - злое порицание.

на та́ти бо стꙋ́дъ є҆́сть и҆ зазо́ръ лꙋка́въ над̾ двоѧзы́чнымъ.

Не будь неразумным ни в большом ни в малом.

Ѡ҆ вели́цѣ и҆ ѡ҆ ма́лѣ не неразꙋмѣва́й.