Книга Премудрости Иисуса, сына Сирахова

Память Иосии - как состав фимиама, приготовленный искусством мироварника:

Па́мѧть і҆ѡсі́ева въ сложе́нїе ѳѷмїа́ма, и҆ состро́еное дѣ́ломъ мѷрова́рника:

во всяких устах она будет сладка, как мед и как музыка при угощении вином.

во всѧ́цѣхъ ᲂу҆стѣ́хъ ꙗ҆́кѡ ме́дъ ᲂу҆слади́тсѧ, и҆ ꙗ҆́кѡ мꙋсїкі́а въ пи́рѣ вїна̀.

Он успешно действовал в обращении народа и истребил мерзости беззакония;

То́й ᲂу҆пра́вленъ бы́сть во ѡ҆браще́нїе люді́й и҆ ѿѧ́тъ ме́рзѡсти беззако́нїѧ,

он направил к Господу сердце свое и во дни беззаконных утвердил благочестие.

и҆спра́ви ко гдⷭ҇ꙋ се́рдце своѐ, во дни̑ беззако́нныхъ ᲂу҆крѣпѝ бл҃гоче́стїе.

Кроме Давида, Езекии и Иосии, все тяжко согрешили,

Кромѣ̀ даві́да и҆ є҆зекі́и и҆ і҆ѡсі́и, всѝ прегрѣши́ша прегрѣше́нїемъ,

ибо оставили закон Всевышнего; цари Иудейские престали,

ѡ҆ста́виша бо зако́нъ вы́шнѧгѡ: ца́рїе і҆ꙋ̑дины ѡ҆скꙋдѣ́ша,

ибо предали рог свой другим и славу свою - чужому народу.

да́ша бо ро́гъ сво́й и҆нѣ̑мъ и҆ сла́вꙋ свою̀ ꙗ҆зы́кꙋ чꙋжде́мꙋ,

Избранный город святыни сожжен, и улицы его опустошены, как предсказал Иеремия,

сожго́ша и҆збра́нъ гра́дъ ст҃ы́ни и҆ ѡ҆пꙋстоши́ша пꙋти̑ є҆гѡ̀ рꙋко́ю {по прⷪ҇ро́чествꙋ} і҆еремі́иною:

которого они оскорбляли, хотя он еще во чреве освящен был в пророка, чтобы искоренять, поражать и погублять, равно как строить и насаждать.

ѡ҆ѕло́биша бо є҆го̀, и҆ то́й во чре́вѣ ѡ҆свѧще́нъ бы́сть прⷪ҇ро́къ и҆скорени́ти и҆ ѡ҆ѕло́бити и҆ погꙋби́ти, та́кожде созда́ти и҆ насади́ти.

Иезекииль видел явление славы, которую Бог показал ему в херувимской колеснице;

І҆езекі́иль, и҆́же ви́дѣ видѣ́нїе сла́вы, ю҆́же показа̀ є҆мꙋ̀ въ колесни́цѣ херꙋві́мстѣ:

он напоминал о врагах под образом дождя и возвещал доброе тем, которые исправляли пути свои.

помѧнꙋ́ бо врагѝ въ дождѝ, и҆ благосотвори́ти направлѧ́ющымъ пꙋти̑.

И двенадцать пророков - да процветут кости их от места своего! - утешали Иакова и спасали их верною надеждою.

И҆ ѻ҆боюна́десѧте прⷪ҇ро́кѡвъ да процвѣтꙋ́тъ кѡ́сти ѿ мѣ́стъ свои́хъ: ᲂу҆тѣ́ши бо і҆а́кѡва и҆ и҆зба́вилъ ѧ҆̀ вѣ́рою наде́жды.

Как возвеличим Зоровавеля? И он - как перстень на правой руке;

Ка́кѡ возвели́чимъ зорова́велѧ; и҆ се́й ꙗ҆́кѡ печа́ть на деснѣ́й рꙋцѣ̀:

также Иисус, сын Иоседека: они во дни свои построили дом и восстановили святый храм Господу, предназначенный к вечной славе.

та́кожде і҆исꙋ́съ сы́нъ і҆ѡседе́ковъ: и҆̀же во дни̑ своѧ̑ созда́ста до́мъ и҆ воздвиго́ста це́рковь ст҃ꙋ гдⷭ҇еви, ᲂу҆гото́ванꙋ во сла́вꙋ вѣ́ка.

Велика память и Неемии, который воздвиг нам павшие стены, поставил ворота и запоры и возобновил разрушенные домы наши.

И҆ неемі́и на мно́зѣ (бꙋ́ди) па́мѧть, воздви́гшемꙋ на́мъ стѣ́ны па́дшыѧ и҆ поста́вльшемꙋ двє́ри и҆ завѡ́ры и҆ воздви́гшемꙋ до́мы па́дшыѧ на́шѧ.

Не было на земле никого из сотворенных, подобного Еноху,- ибо он был восхи́щен от земли,-

Никто́же со́зданъ бы́сть тако́въ, ꙗ҆́кѡ є҆нѡ́хъ на землѝ: то́й бо взѧ́тъ бы́сть ѿ землѝ.

и не родился такой муж, как Иосиф, глава братьев, опора народа,- и кости его были почтены.

Нижѐ ꙗ҆́кѡ і҆ѡ́сифъ бы́сть мꙋ́жъ, во́ждь бра́тїи, ᲂу҆твержде́нїе лю́демъ, и҆ кѡ́сти є҆гѡ̀ посѣщє́ны бы́ша.

Прославились между людьми Сим и Сиф, но выше всего живущего в творении - Адам.

Си́мъ и҆ си́ѳъ просла̑влена бы́ста въ человѣ́цѣхъ, и҆ па́че всѧ́кагѡ живо́тнагѡ въ тва́ри а҆да́мъ.