Книга Премудрости Иисуса, сына Сирахова

Счастлив муж доброй жены, и число дней его - сугубое.

Жены̀ до́брыѧ блаже́нъ є҆́сть мꙋ́жъ, и҆ число̀ дні́й є҆гѡ̀ сꙋгꙋ́бо.

Жена добродетельная радует своего мужа и лета его исполнит миром;

Жена̀ до́блѧѧ весели́тъ мꙋ́жа своего̀ и҆ лѣ̑та є҆гѡ̀ и҆спо́лнитъ ми́ромъ.

добрая жена - счастливая доля: она дается в удел боящимся Господа;

Жена̀ добра̀ ча́сть блага̀, въ ча́сти боѧ́щихсѧ гдⷭ҇а дана̀ бꙋ́детъ.

с нею у богатого и бедного - сердце довольное и лице во всякое время веселое.

Бога́тагѡ же и҆ ᲂу҆бо́гагѡ се́рдце бла́го, во всѧ́ко вре́мѧ лицѐ ти́хо.

Трех страшится сердце мое, а при четвертом я молюсь:

Ѿ тре́хъ ᲂу҆боѧ́сѧ се́рдце моѐ, и҆ ѿ лица̀ четве́ртагѡ ᲂу҆страши́хсѧ:

городского злословия, возмущения черни и оболгания на смерть,- всё это ужасно.

преда́нїѧ гра́да и҆ собра́нїѧ наро́да, и҆ ѡ҆болга́нїѧ над̾ сме́рть, всѧ̑ тѧ́жєстна.

Болезнь сердца и печаль - жена, ревнивая к другой жене,

Болѣ́знь се́рдца и҆ сѣ́тованїе жена̀ ревни́ва ѡ҆ женѣ̀,

и бич языка ее, ко всем приражающийся.

и҆ ꙗ҆́зва ѧ҆зы́ка всѣ̑мъ приѡбща́ющаѧсѧ.

Движущееся туда и сюда воловье ярмо - злая жена; берущий ее - то же, что хватающий скорпиона.

Воло́вое и҆́го дви́жимо жена̀ лꙋка́вна, держа́йсѧ є҆ѧ̀ ꙗ҆́кѡ є҆́млѧйсѧ скорпі́и.

Большая досада - жена, преданная пьянству, и она не скроет своего срама.

Гнѣ́въ вели́къ жена̀ пїѧ́нчива, и҆ стꙋда̀ своегѡ̀ не покры́етъ.

Наклонность женщины к блуду узнается по поднятию глаз и век ее.

Блꙋ́дъ же́нскїй въ возвыше́нїи ѻ҆че́съ и҆ бровьмѝ є҆ѧ̀ позна́нъ бꙋ́детъ.

Над бесстыдною дочерью поставь крепкую стражу, чтобы она, улучив послабление, не злоупотребила собою.

Над̾ дще́рїю безстꙋ́дною ᲂу҆твердѝ стра́жꙋ, да не попꙋще́нїе ѡ҆брѣ́тши ᲂу҆потреби́тъ себѐ.

Берегись бесстыдного глаза, и не удивляйся, если он согрешит против тебя:

В̾слѣ́дъ безстꙋ́дна ѻ҆́ка сохрани́сѧ и҆ не диви́сѧ, а҆́ще въ тѧ̀ согрѣши́тъ:

как томимый жаждою путник открывает уста и пьет всякую близкую воду,

ꙗ҆́кѡ жа́жденъ пꙋ́тникъ ѿве́рзетъ ᲂу҆ста̀ и҆ ѿ всѧ́кїѧ воды̀ бли́жнїѧ и҆спїе́тъ,

так она сядет напротив всякого шатра и пред стрелою откроет колчан.

прѧ́мѡ всѧ́кагѡ кола̀ сѧ́детъ и҆ прѧ́мѡ стрѣлы̀ ѿве́рзетъ тꙋ́лъ.

Любезность жены усладит ее мужа, и благоразумие ее утучнит кости его.

Благода́ть же́нска возвесели́тъ мꙋ́жа є҆ѧ̀, и҆ кѡ́сти є҆гѡ̀ ᲂу҆тꙋчни́тъ хꙋдо́жество є҆ѧ̀.

Кроткая жена - дар Господа, и нет цены благовоспитанной душе.

Даѧ́нїе гдⷭ҇не жена̀ молчали́ва, и҆ нѣ́сть и҆скꙋ́па нака́занныѧ дꙋшѝ.

Благодать на благодать - жена стыдливая,

Благода́ть на благода́ти жена̀ стыдли́ва,

и нет достойной меры для воздержной души.

и҆ нѣ́сть мѣ́рило всѧ́кое досто́йное возде́ржныѧ дꙋшѝ.

Что солнце, восходящее на высотах Господних,

Со́лнце восходѧ́щее на высо́кихъ гдⷭ҇нихъ,

то красота доброй жены в убранстве дома ее;

и҆ добро́та жены̀ до́брыѧ въ красотѣ̀ до́мꙋ є҆ѧ̀:

что светильник, сияющий на святом свещнике, то красота лица ее в зрелом возрасте;

свѣти́льникъ сїѧ́ѧ на свѣ́щницѣ свѧ́тѣ, и҆ добро́та лица̀ на во́зрастѣ постоѧ́ннѣмъ.

что золотые столбы на серебряном основании, то прекрасные ноги ее на твердых пятах.

Столпѝ зла́ти на подсто́лпїихъ сре́брѧныхъ, и҆ но́зѣ кра́сни на плесна́хъ до́брѣ стоѧ́щихъ.

От двух скорбело сердце мое, а при третьем возбуждалось во мне негодование:

Ѡ҆ двои́хъ печа́льно бы́сть се́рдце моѐ, и҆ ѡ҆ тре́тїемъ ꙗ҆́рость мѝ на́йде:

если воин терпит от бедности, и разумные мужи бывают в пренебрежении;

мꙋ́жъ боре́цъ лиша́ѧсѧ за скꙋдотꙋ̀, и҆ мꙋ́жїе разꙋ́миви а҆́ще ѿринове́ни бꙋ́дꙋтъ:

и если кто обращается от праведности ко греху, Господь уготовит того на меч.

возвраща́ѧсѧ ѿ пра́вды на грѣ́хъ, гдⷭ҇ь ᲂу҆гото́витъ є҆го̀ на ме́чь.

Купец едва может избежать погрешности, а корчемник не спасется от греха.

Є҆два̀ и҆́зметсѧ кꙋпе́цъ ѿ погрѣше́нїѧ, и҆ не ѡ҆правди́тсѧ корче́мникъ ѿ грѣха̀.