Книга Премудрости Иисуса, сына Сирахова

Все вообще создал Живущий во веки; Господь один праведен.

Живы́й во вѣ́ки созда̀ всѧ̑ ѻ҆́бще. гдⷭ҇ь є҆ди́нъ ѡ҆правди́тсѧ:

Никому не предоставил Он изъяснять дела́ Его.

никто́же дово́ленъ и҆сповѣ́сти дѣ́лъ є҆гѡ̀,

И кто может исследовать великие дела Его?

и҆ кто̀ и҆зслѣ́дитъ вели̑чїѧ є҆гѡ̀;

Кто может измерить силу величия Его? и кто может также изречь милости Его?

Держа́вꙋ вели́чества є҆гѡ̀ кто̀ и҆зочте́тъ; и҆ кто̀ приложи́тъ и҆сповѣ́дати млⷭ҇ти є҆гѡ̀;

Невозможно ни умалить, ни увеличить, и невозможно исследовать дивных дел Господа.

Не лѣ́ть ᲂу҆ма́лити, нижѐ приложи́ти, и҆ не лѣ́ть и҆зслѣ́дити чꙋде́съ гдⷭ҇нихъ.

Когда человек окончил бы, тогда он только начинает, и когда перестанет, придет в изумление.

Є҆гда̀ сконча́етъ человѣ́къ, тогда̀ начина́етъ, и҆ є҆гда̀ преста́нетъ, тогда̀ ᲂу҆сꙋмни́тсѧ.

Что есть человек и что польза его? что благо его и что зло его?

Что̀ є҆́сть человѣ́къ; и҆ что̀ потре́ба є҆гѡ̀; что̀ бла́го є҆гѡ̀; и҆ что̀ ѕло̀ є҆гѡ̀;

Число дней человека - много, если сто лет: как капля воды из моря или крупинка песка, так малы лета его в дне вечности.

Число̀ дні́й человѣ́кꙋ мно́го лѣ́тъ сто̀: ꙗ҆́кѡ ка́плѧ морскі́ѧ воды̀ и҆ зе́рно песка̀, та́кѡ ма́ло лѣ́тъ въ де́нь вѣ́ка.

Посему Господь долготерпелив к людям и изливает на них милость Свою.

Сегѡ̀ ра́ди долготерпѣ̀ гдⷭ҇ь на ни́хъ и҆ и҆злїѧ̀ на нѧ̀ млⷭ҇ть свою̀.

Он видит и знает, что конец их очень бедствен,

Ви́дѣ и҆ позна̀ низвраще́нїе и҆́хъ, ꙗ҆́кѡ ѕло̀,

и потому умножает милости Свои.

сегѡ̀ ра́ди ᲂу҆мно́жи млⷭ҇рдїе своѐ.

Милость человека - к ближнему его, а милость Господа - на всякую плоть.

Ми́лость человѣ́ча на и҆́скреннѧго своего̀, млⷭ҇ть же гдⷭ҇нѧ на всѧ́кꙋ пло́ть.

Он обличает и вразумляет, и поучает и обращает, как пастырь стадо свое.

Ѡ҆блича́ѧй и҆ наказꙋ́ѧй, и҆ наꙋча́ѧй и҆ ѡ҆браща́ѧй ꙗ҆́кѡ па́стырь ста́до своѐ:

Он милует принимающих вразумление и усердно обращающихся к закону Его.

прїе́млющихъ наказа́нїе ми́лꙋетъ и҆ тща́щихсѧ ѡ҆ сꙋдьба́хъ є҆гѡ̀.

Сын мой! при благотворениях не делай упреков, и при всяком даре не оскорбляй словами.

Ча́до, во благи́хъ не да́ждь поро́ка, и҆ во всѧ́цѣмъ даѧ́нїи печа́ли слове́съ.

Роса не охлаждает ли зноя? так слово - лучше, нежели даяние.

Не ᲂу҆стꙋди́тъ ли зно́ѧ роса̀; та́кѡ лꙋ́чше сло́во, не́жели даѧ́нїе.

Поэтому не выше ли доброго даяния слово? а у человека доброжелательного и то и другое.

Не се́ ли, сло́во па́че даѧ́нїѧ бла́га; ѻ҆боѧ́ же ᲂу҆ мꙋ́жа благода́тна.

Глупый немилосердно укоряет, и подаяние неблагорасположенного иссушает глаза.

Бꙋ́й неблагода́рнѡ поно́ситъ, и҆ даѧ́нїе зави́дливагѡ и҆стаева́етъ ѻ҆́чи.

Прежде, нежели начнешь говорить, обдумывай, и прежде болезни заботься о себе.

Пре́жде не́же возглаго́леши, ᲂу҆вѣ́ждь, и҆ пре́жде недꙋ́га врачꙋ́йсѧ:

Испытывай себя прежде суда, и во время посещения найдешь милость.

пре́жде сꙋда̀ и҆спыта́й себѐ и҆ въ ча́съ посѣще́нїѧ ѡ҆брѧ́щеши ѡ҆чище́нїе:

Прежде, нежели почувствуешь слабость, смиряйся, и во время грехов покажи обращение.

пре́жде да́же въ недꙋ́гъ не впаде́ши, смири́сѧ, и҆ во вре́мѧ грѣхѡ́въ покажѝ ѡ҆браще́нїе.

Ничто да не препятствует тебе исполнить обет благовременно, и не откладывай оправдания до смерти.

Не воспѧти́сѧ возда́ти ѡ҆бѣ́тъ благовре́меннѡ и҆ не ѡ҆жида́й да́же до сме́рти ѡ҆правда́тисѧ:

Прежде, нежели начнешь молиться, приготовь себя, и не будь как человек, искушающий Господа.

пре́жде да́же не помо́лишисѧ, ᲂу҆гото́ви себѐ, и҆ не бꙋ́ди ꙗ҆́кѡ человѣ́къ и҆скꙋша́ѧ гдⷭ҇а.

Припоминай о гневе в день смерти и о времени отмщения, когда Господь отвратит лице Свое.

Помѧнѝ гнѣ́въ въ де́нь сконча́нїѧ и҆ вре́мѧ ме́сти во ѿвраще́нїи лица̀:

Во время сытости вспоминай о времени голода и во дни богатства - о бедности и нужде.

помѧнѝ вре́мѧ гла́да во вре́мѧ сы́тости, нищетꙋ̀ и҆ ᲂу҆бо́жество въ де́нь бога́тства.

От утра до вечера изменяется время, и все скоротечно пред Господом.

Ѿ ᲂу҆́тра до ве́чера и҆змѣнѧ́етсѧ вре́мѧ, и҆ всѧ̑ скѡ́ра сꙋ́ть пред̾ гдⷭ҇емъ.

Человек мудрый во всем будет осторожен и во дни грехов удержится от беспечности.

Человѣ́къ премꙋ́дръ во все́мъ ѡ҆па́сенъ бꙋ́детъ и҆ во дне́хъ грѣхѡ́въ во́нметъ ѡ҆ согрѣше́нїи.

Всякий разумный познает премудрость и нашедшему ее воздаст хвалу.

Всѧ́къ разꙋми́въ позна̀ премꙋ́дрость, и҆ ѡ҆брѣ́тшемꙋ ю҆̀ да́стъ и҆сповѣ́данїе.

Рассудительные в словах и сами умудряются, и источают основательные притчи.

Разꙋ́мнїи въ словесѣ́хъ, и҆ ті́и ᲂу҆мꙋдри́шасѧ и҆ ᲂу҆мно́жиша при̑тчи и҆спы̑тны. воздержа́нїе дꙋшѝ.

Не ходи вслед похотей твоих и воздерживайся от пожеланий твоих.

В̾слѣ́дъ по́хотей твои́хъ не ходѝ и҆ ѿ похотѣ́нїй свои́хъ возбранѧ́йсѧ:

Если будешь доставлять душе твоей приятное для вожделений, то она сделает тебя потехою для врагов твоих.

а҆́ще да́си дꙋшѝ твое́й благоволе́нїе жела́нїѧ, сотвори́тъ тѧ̀ ѡ҆бра́дованїе врагѡ́мъ твои̑мъ.

Не ищи увеселения в большой роскоши и не привязывайся к пиршествам.

Не весели́сѧ ѡ҆ мно́зѣй сла́дости и҆ не свѧзꙋ́йсѧ соѻбще́нїемъ є҆ѧ̀.

Не сделайся нищим, пиршествуя на занятые деньги, когда ничего нет у тебя в кошельке.

Не бꙋ́ди ни́щь пи́ршествꙋѧй ѿ взаи́мства, и҆ ничто́ ти бꙋ́детъ въ мѣшцѣ̀.