Книга Премудрости Иисуса, сына Сирахова

Господь создал человека из земли и опять возвращает его в нее.

Гдⷭ҇ь созда̀ ѿ землѝ человѣ́ка, и҆ па́ки возвратѝ є҆го̀ въ ню̀.

Определенное число дней и время дал Он им, и дал им власть над всем, что на ней.

Дни̑ числа̀ и҆ вре́мѧ дадѐ и҆̀мъ, и҆ дадѐ и҆̀мъ вла́сть над̾ сꙋ́щими на не́й.

По природе их, облек их силою и сотворил их по образу Своему,

Ꙗ҆́коже ѻ҆нѝ са́ми, ѡ҆блечѐ и҆̀хъ крѣ́постїю, и҆ по ѡ҆́бразꙋ своемꙋ̀ сотворѝ ѧ҆̀:

и вложил страх к ним во всякую плоть, чтобы господствовать им над зверями и птицами.

и҆ положѝ стра́хъ є҆гѡ̀ на всѧ́цѣй пло́ти, є҆́же вла́стельствовати ѕвѣрьмѝ (и҆ скѡты̀) и҆ пти́цами.

Он дал им смысл, язык и глаза, и уши и сердце для рассуждения,

Помышле́нїе и҆ ѧ҆зы́къ и҆ ѻ҆́чи, ᲂу҆́ши и҆ се́рдце дадѐ и҆̀мъ размышлѧ́ти:

исполнил их проницательностью разума и показал им добро и зло.

хꙋдо́жествомъ ра́зꙋма и҆спо́лни ѧ҆̀ и҆ дѡ́браѧ и҆ ѕла̑ѧ показа̀ и҆̀мъ.

Он положил око Свое на сердца их, чтобы показать им величие дел Своих,

Положи́лъ є҆́сть ѻ҆́ко своѐ на сердца́хъ и҆́хъ, показа́ти и҆̀мъ вели́чество дѣ́лъ свои́хъ,

да прославляют они святое имя Его и возвещают о величии дел Его.

да и҆́мѧ ст҃ы́ни є҆гѡ̀ восхва́лѧтъ и҆ да повѣ́даютъ вели́чєства дѣ́лъ є҆гѡ̀.

Он приложил им знание и дал им в наследство закон жизни;

Приложи́лъ и҆̀мъ хꙋдо́жество и҆ зако́нъ живота̀ дадѐ въ наслѣ́дїе и҆̀мъ.

вечный завет поставил с ними и показал им суды Свои.

Завѣ́тъ вѣ́чный поста́ви съ ни́ми и҆ сꙋдьбы̑ своѧ̑ показа̀ и҆̀мъ.

Величие славы видели глаза их, и славу голоса Его слышало ухо их.

Вели́чество сла́вы ви́дѣша ѻ҆чеса̀ и҆́хъ, и҆ сла́вꙋ гла́са и҆́хъ слы́ша ᲂу҆́хо и҆́хъ.

И сказал Он им: "остерегайтесь всякой неправды"; и заповедал каждому из них обязанность к ближнему.

И҆ речѐ и҆̀мъ: внемли́те ѿ всѧ́кїѧ непра́вды. и҆ заповѣ́да и҆̀мъ комꙋ́ждо ѡ҆ и҆́скреннемъ.

Пути их всегда пред Ним, не скроются от очей Его.

Пꙋтїѐ и҆́хъ пред̾ ни́мъ вы́нꙋ, не ᲂу҆кры́ютсѧ ѿ ѻ҆́чїю є҆гѡ̀.

Каждому народу поставил Он вождя,

Комꙋ́ждо ꙗ҆зы́кꙋ ᲂу҆стро́илъ вожда̀,

а Израиль есть удел Господа.

и҆ ча́сть гдⷭ҇нѧ і҆и҃ль є҆́сть.

Все дела их - как солнце пред Ним, и очи Его всегда на путях их.

Всѧ̑ дѣла̀ и҆́хъ ꙗ҆́кѡ со́лнце пред̾ ни́мъ, и҆ ѻ҆́чи є҆гѡ̀ вы́нꙋ на пꙋте́хъ и҆́хъ:

Не утаились от Него неправды их, и все грехи их - пред Господом.

не ᲂу҆кры́шасѧ непра̑вды и҆́хъ ѿ негѡ̀, и҆ всѝ грѣсѝ и҆́хъ пред̾ гдⷭ҇емъ.

Милостыня человека - как печать у Него, и благодеяние человека сохранит Он, как зеницу ока.

Ми́лостынѧ мꙋ́жа ꙗ҆́кѡ печа́ть съ ни́мъ, и҆ благода́ть человѣ́чꙋ ꙗ҆́кѡ зѣ́ницꙋ соблюде́тъ.

Потом Он восстанет и воздаст им, и даяние их на голову их возвратит.

По си́хъ воста́нетъ и҆ возда́стъ и҆̀мъ, и҆ воздаѧ́нїе и҆́хъ на главꙋ̀ и҆́хъ возда́стъ:

Но кающимся Он давал обращение и ободрял ослабевавших в терпении.

ѻ҆ба́че ка́ющымсѧ да́лъ є҆́сть возвраще́нїе и҆ ᲂу҆тѣ́ши и҆знемога́ющихъ терпѣ́нїемъ.

Обратись к Господу и оставь грехи;

Ѡ҆брати́сѧ ᲂу҆̀бо ко гдⷭ҇ꙋ и҆ ѡ҆ста́ви грѣхѝ:

молись пред Ним и уменьши твои преткновения.

помоли́сѧ пред̾ лице́мъ и҆ ᲂу҆ма́ли претыка̑нїѧ:

Возвратись ко Всевышнему, и отвратись от неправды, и сильно возненавидь мерзость.

восходѝ къ вы́шнемꙋ и҆ ѿврати́сѧ ѿ непра́вды, и҆ ѕѣлѡ̀ возненави́ди ме́рзость.

Кто будет восхвалять Всевышнего в аде, вместо живущих и прославляющих Его?

Вы́шнѧго кто̀ восхва́литъ во а҆́дѣ, вмѣ́стѡ живы́хъ и҆ даю́щихъ и҆сповѣ́данїе;

От мертвого, как от несуществующего, нет прославления:

Ѿ мертвеца̀ ꙗ҆́кѡ ничто̀ сꙋ́щагѡ погиба́етъ и҆сповѣ́данїе:

живый и здоровый восхвалит Господа.

живы́й же и҆ здра́вый восхва́литъ гдⷭ҇а.

Как велико милосердие Господа и примирение с обращающимися к Нему!

Ко́ль вели́ка млⷭ҇ть гдⷭ҇нѧ и҆ ѡ҆чище́нїе ѡ҆браща́ющымсѧ къ немꙋ̀;

Не может быть всего в человеке,

Не мо́гꙋтъ бо всѧ̑ бы́ти въ человѣ́цѣхъ:

потому что не бессмертен сын человеческий.

ꙗ҆́кѡ не безсме́ртенъ сы́нъ человѣ́ческїй.

Что светлее солнца? но и оно затмевается. И о злом будет помышлять плоть и кровь.

Что̀ свѣтлѣ́е со́лнца; и҆ то̀ и҆счеза́етъ: и҆ ѕло̀ помы́слитъ пло́ть и҆ кро́вь.

За силами высоких небес Он Сам наблюдает, а люди все - земля и пепел.

Си́лꙋ высоты̀ небе́сныѧ то́й са́мъ назира́етъ, человѣ́цы же всѝ землѧ̀ и҆ пе́пелъ.