Псалтирь

Аллилуия.

(А҆ллилꙋ́їа.)

Хвалите имя Господне, хвалите, рабы Господни,

Хвали́те и҆́мѧ гдⷭ҇не, хвали́те, рабѝ гдⷭ҇а,

стоящие в доме Господнем, во дворах дома Бога нашего.

стоѧ́щїи во хра́мѣ гдⷭ҇ни, во дво́рѣхъ до́мꙋ бг҃а на́шегѡ.

Хвалите Господа, ибо Господь благ; пойте имени Его, ибо это сладостно,

Хвали́те гдⷭ҇а, ꙗ҆́кѡ бла́гъ гдⷭ҇ь: по́йте и҆́мени є҆гѡ̀, ꙗ҆́кѡ добро̀:

ибо Господь избрал Себе Иакова, Израиля в собственность Свою.

ꙗ҆́кѡ і҆а́кѡва и҆збра̀ себѣ̀ гдⷭ҇ь, і҆и҃лѧ въ достоѧ́нїе себѣ̀:

Я познал, что велик Господь, и Господь наш превыше всех богов.

ꙗ҆́кѡ а҆́зъ позна́хъ, ꙗ҆́кѡ ве́лїй гдⷭ҇ь, и҆ гдⷭ҇ь на́шъ над̾ всѣ́ми бѡ́ги:

Господь творит все, что хочет, на небесах и на земле, на морях и во всех безднах;

всѧ̑, є҆ли̑ка восхотѣ̀ гдⷭ҇ь, сотворѝ на нб҃сѝ и҆ на землѝ, въ морѧ́хъ и҆ во всѣ́хъ бе́зднахъ.

возводит облака от края земли, творит молнии при дожде, изводит ветер из хранилищ Своих.

Возводѧ̀ ѡ҆́блаки ѿ послѣ́днихъ землѝ, мѡ́лнїи въ до́ждь сотворѝ, и҆зводѧ́й вѣ́тры ѿ сокро́вищъ свои́хъ.

Он поразил первенцев Египта, от человека до скота,

И҆́же поразѝ пе́рвенцы є҆гѵ́пєтскїѧ ѿ человѣ́ка до скота̀:

послал знамения и чудеса среди тебя, Египет, на фараона и на всех рабов его,

посла̀ зна́мєнїѧ и҆ чꙋдеса̀ посредѣ̀ тебє̀, є҆гѵ́пте, на фараѡ́на и҆ на всѧ̑ рабы̑ є҆гѡ̀.

поразил народы многие и истребил царей сильных:

И҆́же поразѝ ꙗ҆зы́ки мнѡ́ги и҆ и҆збѝ цари̑ крѣ̑пки:

Сигона, царя Аморрейского, и Ога, царя Васанского, и все царства Ханаанские;

сиѡ́на царѧ̀ а҆морре́йска и҆ ѡ҆́га царѧ̀ васа́нска, и҆ всѧ̑ ца̑рствїѧ ханаа̑нска:

и отдал землю их в наследие, в наследие Израилю, народу Своему.

и҆ дадѐ зе́млю и҆́хъ достоѧ́нїе, достоѧ́нїе і҆и҃лю лю́демъ свои̑мъ.

Господи! имя Твое вовек; Господи! память о Тебе в род и род.

Гдⷭ҇и, и҆́мѧ твоѐ въ вѣ́къ, и҆ па́мѧть твоѧ̀ въ ро́дъ и҆ ро́дъ:

Ибо Господь будет судить народ Свой и над рабами Своими умилосердится.

ꙗ҆́кѡ сꙋди́ти и҆́мать гдⷭ҇ь лю́демъ свои̑мъ, и҆ ѡ҆ рабѣ́хъ свои́хъ ᲂу҆мо́литсѧ.

Идолы язычников - серебро и золото, дело рук человеческих:

І҆́дѡли ꙗ҆зы̑къ сребро̀ и҆ зла́то, дѣла̀ рꙋ́къ человѣ́ческихъ:

есть у них уста, но не говорят; есть у них глаза, но не видят;

ᲂу҆ста̀ и҆́мꙋтъ, и҆ не возглаго́лютъ: ѻ҆́чи и҆́мꙋтъ, и҆ не ᲂу҆́зрѧтъ:

есть у них уши, но не слышат, и нет дыхания в устах их.

ᲂу҆́ши и҆́мꙋтъ, и҆ не ᲂу҆слы́шатъ: ниже́ бо є҆́сть дꙋ́хъ во ᲂу҆стѣ́хъ и҆́хъ.

Подобны им будут делающие их и всякий, кто надеется на них.

Подо́бни и҆̀мъ да бꙋ́дꙋтъ творѧ́щїи ѧ҆̀ и҆ всѝ надѣ́ющїисѧ на нѧ̀.

Дом Израилев! благословите Господа. Дом Ааронов! благословите Господа.

До́ме і҆и҃левъ, благослови́те гдⷭ҇а: до́ме а҆арѡ́нь, благослови́те гдⷭ҇а: до́ме леѵі́инъ, благослови́те гдⷭ҇а:

Дом Левиин! благословите Господа. Боящиеся Господа! благословите Господа.

боѧ́щїисѧ гдⷭ҇а, благослови́те гдⷭ҇а.

Благословен Господь от Сиона, живущий в Иерусалиме! Аллилуия!

Блгⷭ҇ве́нъ гдⷭ҇ь ѿ сїѡ́на, живы́й во і҆ерⷭ҇ли́мѣ.