Мученик Тимофей, чтец, и мученица Мавре

Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего,/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.

Тимофе́я дне́сь, ве́рнии, с сострада́лицею супру́гою почти́м,/ Ма́врою, неве́стою Христо́вою,/ сих велича́юще благодерзнове́нное терпе́ние./ Си́и бо распе́ншеся, стопа́м Закла́ннаго после́доваша любо́вию,// и всех грехи́ ко Кресту́ Пригвозди́вшаго.

Многообра́зныя я́звы претерпе́вше/ и венцы́ от Бо́га прие́мше,/ о нас моли́теся ко Го́споду,/ па́мять всесвяще́нную ва́шу соверша́ющих,/ превели́кий Тимофе́е и пресла́вная Ма́вро,/ е́же умири́ти град и лю́ди,// Той бо есть ве́рных утвержде́ние.