Книга Премудрости Иисуса, сына Сирахова

Только тот, кто посвящает свою душу размышлению о законе Всевышнего, будет искать мудрости всех древних и упражняться в пророчествах:

То́чїю вдаѧ́й дꙋ́шꙋ свою̀ и҆ размышлѧ́ѧй въ зако́нѣ вы́шнѧгѡ премꙋ́дрости всѣ́хъ дре́внихъ взы́щетъ и҆ во прⷪ҇ро́чествїихъ поꙋча́тисѧ бꙋ́детъ:

он будет замечать сказания мужей именитых и углубляться в тонкие обороты притчей;

пѡ́вѣсти мꙋже́й и҆мени́тыхъ соблюде́тъ и҆ во и҆зви̑тїѧ при́тчей совни́детъ,

будет исследовать сокровенный смысл изречений и заниматься загадками притчей.

сокровє́ннаѧ при́тчей и҆зы́щетъ и҆ въ гада́нїи при́тчей поживе́тъ,

Он будет проходить служение среди вельмож и являться пред правителем;

посредѣ̀ вельмо́жъ послꙋ́житъ и҆ пред̾ старѣ́йшинꙋ ꙗ҆ви́тсѧ,

будет путешествовать по земле чужих народов, ибо испытал доброе и злое между людьми.

въ землѝ чꙋжди́хъ ꙗ҆зы̑къ про́йдетъ, добро́ бо и҆ ѕло̀ въ человѣ́цѣхъ и҆скꙋсѝ.

Сердце свое он направит к тому, чтобы с раннего утра обращаться к Господу, сотворившему его, и будет молиться пред Всевышним; откроет в молитве уста свои и будет молиться о грехах своих.

Се́рдце своѐ вда́стъ ᲂу҆́треневати ко гдⷭ҇ꙋ сотво́ршемꙋ є҆го̀ и҆ пред̾ вы́шнимъ помо́литсѧ, и҆ ѿве́рзетъ ᲂу҆ста̀ своѧ̑ на моли́твꙋ и҆ ѡ҆ грѣсѣ́хъ свои́хъ помо́литсѧ.

Если Господу великому угодно будет, он исполнится духом разума,

А҆́ще гдⷭ҇ь ве́лїй восхо́щетъ, дꙋ́хомъ ра́зꙋма и҆спо́лнитсѧ:

будет источать слова мудрости своей и в молитве прославлять Господа;

то́й ѡ҆дожди́тъ глаго́лы премꙋ́дрости своеѧ̀ и҆ въ моли́твѣ и҆сповѣ́стсѧ гдⷭ҇еви,

благоуправит свою волю и ум и будет размышлять о тайнах Господа;

то́й ᲂу҆пра́витъ совѣ́тъ є҆гѡ̀ и҆ хꙋдо́жество и҆ въ сокрове́нныхъ є҆гѡ̀ размышлѧ́ти бꙋ́детъ,

он покажет мудрость своего учения и будет хвалиться законом завета Господня.

то́й и҆звѣсти́тъ наказа́нїе ᲂу҆че́нїѧ є҆гѡ̀ и҆ въ зако́нѣ завѣ́та гдⷭ҇нѧ похва́литсѧ.

Многие будут прославлять знание его, и он не будет забыт вовек;

Восхва́лѧтъ ра́зꙋмъ є҆гѡ̀ мно́зи, и҆ до вѣ́ка не поги́бнетъ:

память о нем не погибнет, и имя его будет жить в роды родов.

не ѿи́детъ па́мѧть є҆гѡ̀, и҆ и҆́мѧ є҆гѡ̀ поживе́тъ въ ро́ды родѡ́въ:

Народы будут прославлять его мудрость, и общество будет возвещать хвалу его;

премꙋ́дрость є҆гѡ̀ повѣ́дѧтъ ꙗ҆зы́цы, и҆ хвалꙋ̀ є҆гѡ̀ и҆сповѣ́сть цр҃ковь.

доколе будет жить, он приобретет бо́льшую славу, нежели тысячи; а когда почиет, увеличит ее.

А҆́ще пребꙋ́детъ, приꙋсво́итъ себѣ̀, и҆ а҆́ще почі́етъ, и҆́мѧ ѡ҆ста́витъ па́че ты́сѧщъ.

Еще размыслив, расскажу, ибо я полон, как луна в полноте своей.

Є҆щѐ размы́сливъ повѣ́мъ, и҆ ꙗ҆́коже лꙋны̀ полнота̀ напо́лнихсѧ.

Выслушайте меня, благочестивые дети, и растите, как роза, растущая на поле при потоке;

Послꙋ́шайте менѐ, преподо́бнїи сы́нове, и҆ прозѧ́бните ꙗ҆́кѡ ши́пки произраста́ющыѧ при пото́цѣ се́льнѣмъ,

издавайте благоухание, как ливан;

и҆ ꙗ҆́коже лїва́нъ дади́те благово́нїе,

цветите, как лилия, распространяйте благовоние и пойте песнь;

и҆ процвѣти́те цвѣ́тъ ꙗ҆́кѡ крі́нъ, преподади́те воню̀ и҆ воспо́йте пѣ́снь.

благословляйте Господа во всех делах; величайте имя Его и прославляйте Его хвалою Его,

Благослови́те гдⷭ҇а во всѣ́хъ дѣ́лѣхъ є҆гѡ̀, дади́те и҆́мени є҆гѡ̀ вели́чїе и҆ и҆сповѣ́дайтесѧ во хвале́нїи є҆гѡ̀,

песнями уст и гуслями и, прославляя, говорите так:

въ пѣ́снехъ ᲂу҆сте́нъ и҆ въ гꙋ́слехъ, и҆ си́це рцы́те во и҆сповѣ́данїи:

все дела Господа весьма благотворны, и всякое повеление Его в свое время исполнится;

дѣла̀ гдⷭ҇нѧ всѧ̑ ꙗ҆́кѡ дѡбра̀ ѕѣлѡ̀, и҆ всѧ́ко повелѣ́нїе во вре́мѧ своѐ бꙋ́детъ.

и нельзя сказать: "что это? для чего это?", ибо все в свое время откроется.

И҆ нѣ́сть рещѝ: что̀ сїѐ; на что̀ сїѐ; всѧ̑ бо сїѧ̑ во вре́мѧ своѐ взы̑скана бꙋ́дꙋтъ.

По слову Его стала вода, как стог, и по изречению уст Его явились вместилища вод.

Сло́вомъ є҆гѡ̀ ста̀ вода̀ ꙗ҆́кѡ сто́гъ, и҆ гл҃го́ломъ ᲂу҆́стъ є҆гѡ̀ прїѧ́тєлища вѡдна́ѧ.

В повелениях Его - всё Его благоволение, и никто не может умалить спасительность их.

Повелѣ́нїемъ є҆гѡ̀ всѧ́кое благоволе́нїе, и҆ нѣ́сть, и҆́же ᲂу҆ма́литъ спⷭ҇нїе є҆гѡ̀.

Пред Ним дела всякой плоти, и невозможно укрыться от очей Его.

Дѣла̀ всѧ́кїѧ пло́ти пред̾ ни́мъ, и҆ нѣ́сть ᲂу҆кры́тисѧ ѿ ѻ҆че́съ є҆гѡ̀:

Он прозирает из века в век, и ничего нет дивного пред Ним.

ѿ вѣ́ка на вѣ́къ призрѣ̀, и҆ ничто́же є҆́сть ди́вно пред̾ ни́мъ.

Нельзя сказать: "что это? для чего это?", ибо все создано для своего употребления.

Нѣ́сть рещѝ: что̀ сїѐ; на что̀ сїѐ; всѧ̑ бо на потре́бꙋ и҆́хъ создана̑ бы́ша.

Благословение Его покрывает, как река, и, как потоп, напояет сушу.

Блгⷭ҇ве́нїе є҆гѡ̀ ꙗ҆́кѡ рѣка̀ покры̀ и҆ ꙗ҆́кѡ пото́къ сꙋ́шꙋ напоѝ:

Но и гнев Его испытывают народы, как некогда Он превратил воды в солончаки.

си́це гнѣ́въ є҆гѡ̀ ꙗ҆зы́цы наслѣ́дѧтъ, ꙗ҆́кѡ превратѝ во́дꙋ въ сла́ность.

Пути Его для святых прямы, а для беззаконных они - преткновения.

Пꙋтїѐ є҆гѡ̀ преподѡ́бнымъ пра́ви, та́кѡ беззако́нникѡмъ претыка̑нїѧ.

От начала для добрых создано доброе, как для грешников - злое.

Блага̑ѧ благи̑мъ создана̑ бы́ша и҆з̾ нача́ла, та́кожде грѣ̑шнымъ ѕла̑ѧ.

Главное из всех потребностей для жизни человека - вода, огонь, железо, соль, пшеничная мука, мед, молоко, виноградный сок, масло и одежда:

Нача́ло всѧ́кїѧ потре́бы въ житїѐ человѣ́кꙋ, вода̀ и҆ ѻ҆́гнь, и҆ желѣ́зо и҆ со́ль, и҆ семїда́лъ пшени́цы и҆ млеко̀ и҆ ме́дъ, кро́вь гро́здова и҆ ма́сло и҆ ри́за:

все это благочестивым служит в пользу, а грешникам может обратиться во вред.

всѧ̑ сїѧ̑ благочести̑вымъ во блага̑ѧ, си́це и҆ грѣ́шникѡмъ превратѧ́тсѧ во ѕла̑ѧ.

Есть ветры, которые созданы для отмщения и в ярости своей усиливают удары свои,

Сꙋ́ть дꙋ́си, и҆̀же со́здани бы́ша на ме́сть и҆ ꙗ҆́ростїю свое́ю ᲂу҆тверди́ша ра̑ны и҆̀мъ:

во время устремления своего изливают силу и удовлетворяют ярости Сотворившего их.

во вре́мѧ сконча́нїѧ и҆злїю́тъ крѣ́пость и҆ ꙗ҆́рость сотво́ршагѡ и҆̀хъ соверша́тъ.

Огонь и град, голод и смерть - все это создано для отмщения;

Ѻ҆́гнь и҆ гра́дъ, и҆ гла́дъ и҆ сме́рть, всѧ̑ сїѧ̑ создана̑ бы́ша на ме́сть:

зубы зверей, и скорпионы, и змеи, и меч, мстящий нечестивым погибелью,-

зꙋ́бы ѕвѣре́й и҆ скорпі̑и, и҆ є҆хі̑дны и҆ ме́чь ѿмща́ѧй въ поги́бель нечести́выхъ,

обрадуются повелению Его и готовы будут на земле, когда потребуются, и в свое время не преступят слова Его.

въ за́повѣдехъ є҆гѡ̀ возвеселѧ́тсѧ, и҆ на землѝ на потре́бꙋ ᲂу҆гото́вѧтсѧ, и҆ во бремена́хъ свои́хъ не и҆́мꙋтъ прейтѝ сло́ва.

Посему я с самого начала решил, обдумал и оставил в писании,

Сегѡ̀ ра́ди и҆спе́рва ᲂу҆тверди́хсѧ и҆ размы́слихъ и҆ въ писа́нїи ѡ҆ста́вихъ:

что все дела Господа прекрасны, и Он дарует все потребное в свое время;

всѧ̑ дѣла̀ гдⷭ҇нѧ бла̑га, и҆ всю̀ потре́бꙋ во вре́мѧ своѐ пода́стъ:

и нельзя сказать: "это хуже того", ибо все в свое время признано будет хорошим.

и҆ нѣ́сть рещѝ: сїѐ сегѡ̀ ѕлѣ́е: всѧ̑ бо во вре́мѧ на ᲂу҆гожде́нїе бꙋ́дꙋтъ.

Итак, всем сердцем и устами пойте и благословляйте имя Господа.

И҆ нн҃ѣ всѣ́мъ се́рдцемъ и҆ ᲂу҆сты̑ воспо́йте и҆ благослови́те и҆́мѧ гдⷭ҇не.