Книга Иова

И продолжал Елиуй и сказал:

Ѿвѣща́въ же є҆щѐ є҆лїꙋ́съ, речѐ:

считаешь ли ты справедливым, что сказал: я правее Бога?

что̀ сїѐ мни́лъ є҆сѝ на сꙋдѣ̀; ты̀ кто̀ є҆сѝ, ꙗ҆́кѡ ре́клъ є҆сѝ: пра́въ є҆́смь пред̾ гдⷭ҇емъ;

Ты сказал: что пользы мне? и какую прибыль я имел бы пред тем, как если бы я и грешил?

И҆лѝ рече́ши: что̀ сотворю̀ согрѣши́въ;

Я отвечу тебе и твоим друзьям с тобою:

А҆́зъ же тѝ да́мъ ѿвѣ́тъ и҆ трїе́мъ дрꙋгѡ́мъ твои̑мъ.

взгляни на небо и смотри; воззри на облака, они выше тебя.

Воззрѝ на не́бо и҆ ви́ждь: смотри́ же на ѡ҆́блаки, ко́ль высѡ́ки сꙋ́ть ѿ тебє̀.

Если ты грешишь, что делаешь ты Ему? и если преступления твои умножаются, что причиняешь ты Ему?

А҆́ще согрѣши́лъ є҆сѝ, что̀ сотвори́ши; а҆́ще же и҆ мно́гѡ беззако́нновалъ є҆сѝ, что̀ мо́жеши сотвори́ти;

Если ты праведен, что даешь Ему? или что получает Он от руки твоей?

Поне́же ᲂу҆́бѡ пра́веденъ є҆сѝ, что̀ да́си є҆мꙋ̀; и҆лѝ что̀ и҆з̾ рꙋкѝ твоеѧ̀ во́зметъ;

Нечестие твое относится к человеку, как ты, и праведность твоя к сыну человеческому.

Мꙋ́жеви подо́бномꙋ тебѣ̀ нече́стїе твоѐ, и҆ сы́нꙋ человѣ́ческомꙋ пра́вда твоѧ̀.

От множества притеснителей стонут притесняемые, и от руки сильных вопиют.

Ѿ мно́жества ѡ҆клевета́емїи воззовꙋ́тъ, возопїю́тъ ѿ мы́шцы мно́гихъ:

Но никто не говорит: где Бог, Творец мой, Который дает песни в ночи,

и҆ не речѐ: гдѣ̀ є҆́сть бг҃ъ сотвори́вый мѧ̀, ᲂу҆строѧ́ѧй стражбы̑ нѡщны́ѧ,

Который научает нас более, нежели скотов земных, и вразумляет нас более, нежели птиц небесных?

ѿдѣлѧ́ѧй мѧ̀ ѿ четвероно́гихъ земны́хъ и҆ ѿ небе́сныхъ пти́цъ;

Там они вопиют, и Он не отвечает им, по причине гордости злых людей.

та́мѡ воззовꙋ́тъ, и҆ не и҆́маши ᲂу҆слы́шати, и҆ ѿ доса́ды ѕлы́хъ.

Но неправда, что Бог не слышит и Вседержитель не взирает на это.

Безмѣ̑стнаѧ бо ви́дѣти не хо́щетъ гдⷭ҇ь: са́мъ бо Вседержи́тель зри́тель є҆́сть творѧ́щихъ беззакѡ́ннаѧ, и҆ спасе́тъ мѧ̀.

Хотя ты сказал, что ты не видишь Его, но суд пред Ним, и - жди его.

Сꙋди́сѧ же пред̾ ни́мъ, а҆́ще мо́жеши похвали́ти є҆го̀, ꙗ҆́коже є҆́сть и҆ нн҃ѣ.

Но ныне, потому что гнев Его не посетил его и он не познал его во всей строгости,

Ꙗ҆́кѡ нѣ́сть посѣща́ѧй гнѣ́вомъ свои́мъ, и҆ не позна̀ прегрѣше́нїѧ коегѡ́-либо ѕѣлѡ̀.

Иов и открыл легкомысленно уста свои и безрассудно расточает слова.

І҆́ѡвъ же всꙋ́е ѿверза́етъ ᲂу҆ста̀ своѧ̑, невѣ́дѣнїемъ словеса̀ ѡ҆тѧгоща́етъ.